इन्द्रेणी

कहिलेकाहि
इन्द्रेणी टीप्ने
रहर जाग्छ

फेरिसोच्छु
इन्द्रेणी भ्रम हो
न कहिले
कसैको हात परेको छ
न उ भीत्र कोही पसेको छ
देखीन्छ टाढा जहिले
लोभलाग्दो सप्तरंगी

लौ भनोस त कसैले
मैले आज
इन्द्रेणीलाइ अंगालो हालें
लौ भनोस त कसैले 
मैले आज 
उस्लाइ घर ल्याएँ
कहिले कसैको भएन इन्द्रेणी

इन्द्रेणी ले त सधैं
टाढाबाट मात्रै कुत्कुत्याउछ 
लोभ्याउछ
अधिर मात्र बनाउछ
दुर अन्तरीक्षमा 
देखीएझैं लाग्ने
नजिक बोलाएझै पनि गर्ने
र बिलाइ जाने  
निष्ठुरि सप्तरंगी

अतृप्त प्यास 
अझै बढाइदिने
भ्रमलाइ अझै 
टडकारो बनाइदिने
सुनेका छौ कहिल्यै
इन्द्रेणीलाइ कसैले 
डोलि चढाएको?

केवल घामको रापले
हवामा लुकेको 
उष्णताको साथ पाएपछि
उ झुल्किन्छ
रापको उर्जा सकीन्छ
र उ बीलाउछ

उस्लाइ पछ्याएर 
न भोक टर्छ न निद्रा
लौ भनोस त कसैले
मैले आज 
मनग्गे इन्द्रेणी हेरें
र मेरो प्यास मेटियो?

र पनि

कैले काहि
इन्द्रेणी टीप्ने
रहर जाग्छ

July 08 2018
फ्रीस्को टेक्सस